بس قبل ما تاخدي أول خطوة، لازم تعرفي إن فيه “فخ” بيقع فيه كتير من الأهالي وبصراحة مش حابب إنك تكوني الضحية دي!
“هاتي فلوس!!”
لو لقيتي حد بيقولك: “ادفعي مصاريف فتح ملف” أو “تصريح معرفش إيه”.. اهربي فوراً!
“أومال بيكسب إزاي؟!!”
المنفذ بياخد نسبته منك أو من صاحب الأوردر لما طفلك يشتغل فعلاً ويقبض أجر.
“هو أنا ممكن ما أخدش فلوس؟!!”
أيوة طبعاً.. لو الاتفاق إنه شغل مقابل “داتا”، يعني تحصلي على الصور مثلاً لاستخدامها كداتا لطفلك.. ودي نقطة نتكلم عنها في بوست تاني لو تحبي.
“طلع نصاب!!!”
علشان تكوني في أمان تماماً، خدي بالك من الجاي ده كويس:
• شوفي هوية المكتب أو الشخص: اسألي عن سابقة أعمالهم، إيه الإعلانات أو الأعمال اللي طلعوا فيها أطفال قبل كده؟ وشوفي صفحاتهم واتأكدي منها، واسألي حد اتعامل معاهم قبل كده.
• المكان: التصوير أو المقابلة لازم تكون في ستوديو معروف أو مقر شركة واضح، ابعدي تماماً عن الأماكن المجهولة.
• وجودك شرط: ممنوع طفلك يتصور أو يقعد مع حد لوحده مهما كانت الثقة، وجودك معاه طول الوقت حقك وأمانه.
• البيانات والصور: لما تسجلي أو تبعتي بيانات، المطلوب بس هو: (الاسم، السن، الطول، مقاس اللبس) ولينك شغل طفلك أو صور عادية له.. إنما مش عنوان البيت بالتفصيل، ولا صور بمواصفات غريبة ولا لبس مخصوص يتقالك عليه (أظن واضح ولا إيه!!).
حافظي على حلم طفلك، بس الأهم.. حافظي على أمانه.
عاوزين حاجة تاني؟!!
شاركنا برأيك